TANGISE NEGARI

                                                 Wisma Atlet Hambalang

YEN KELINGAN  wisna ora dadi 

Angedhankrang neng tlatah Hambalang

Kepung suket kayu ijo 

Tanpa isin kebacut

Gawe gela dados sesakit

Pa tanpa suba sita 

Klawan unggah ungguh

Saperangan kinunjara

Bebantene anenggih rakyat sepriki

Nangis tambane apa.

 

SAWANGANE IKN nututi

Dadi barang tinilar sembarang

Kadya Hambalang samangke

Khajate namung satu

Golek alem ben katon wani

Wani golek utangan 

Ewon lah trilyunan

Bingung sapa ingkang bisa

Gesangaken tunggak pejah tunggak mati

Mula karsa ping tiga.

 

INGKANG lenggah ing DPR-RI

Manut karsa karsane ketua

Parte politik dhawuhe

Sanes wakiling rakyat 

Nanging pijer 

Kalungan macan

Ben diarani bela,

Bela ati wangsa

Jebul ngemu pamrih liya 

Bebancakan anjarah duwit negari

Ngono salah tan krasa.

KASUNYATAN watake pemimpin

Nolak bener nyingkur  kautaman 

Tangan meres kawulane

Mentri dadi ATM

Bara-bara menggalih nagri

Ngisi lumbung priyangga

Gemujeng gemuyu

Pados pulihane arta

Kangge caos kasaenan bulu bekti

Glondhong pengarem-arem.